...النق...

موضوع: ...النق... الخميس مارس 04, 2010 2:48 pm

بالفرح بالزعل....منق
وقت بنكره ولما منحب ....منق
لما منكون فاضيين أو حتى مشغولين.....منق
صبح ومسا وكل شي عنا بينتسى إلا النق
بالجد وبالمزح.....منق

::: جذور النق :::

الشاب السوري ( شباب وصبايا ) منين بيجيبوا هالنق ؟!؟!؟
باختصار بجيب النق من بيت أبوه حبيبي.....لا عن جد عم أحكي ما عم أمزح
فنحن جيل اعتاد على التربية النقاقة....
قوم فيق صارت الساعة ستة
تعال اتغدى
جاي جاي
يلا قوم اتغدى
جاي بس دقيقتين
يلا تعال اتغدى....قوم اتغدى هلأ بيبرد الأكل
قوم اتغدى يلا....
وفي السهرة :
تعال تعشا ما تغديت منيح لأنك...
تعال تعشى...ما بدك تتعشى...يلا قوم ع العشا....

::: حكاية نق :::

في سنة البكالوريا: إيمتى بدي خلص وفوت ع الجامعة بقا (( وبيضل بينق وينق وبينسى يدرس.....))

في السنة الأولى للجامعة:أووف شو عم حن لأيام المدرسة...إيمتى بدي أتخرج يالله هف لسه كم سنة هفف

بعد التخرج : ييي شو مشتاق لرفقاتي بالجامعة وكيف كنا....هفف يا ريتنا ما تخرجنا ضاق خلقي من النوم للضهر والطلعات والفرجة ع التلفزيون بدي اشتغل واستقر

بعد الشغل : تضرب هالحياة من البيت للشغل وبعدين بتحكيلك كم تلفون وبتحط راسك وبتنام لتفيق ع الشغل...شو هالعيشة هفف والله شي بملل...حياة بتقصر العمر

خطب بنت بحبها:هفف إيمتى بدنا نتزوج ونكون مع بعض لوحدنا...

أتجوزوا:هفف من هالروتين والله شي بملل شو رأيك نجيب ولد

صار الشب أبو العيال: لك شو هالبلوة بدي ضل عم زق غراض متل الحمار...هفف ع هالعيشة يرحم أيام كنا راسين....وقت كنا مو فاضيين غير للحب

::: أعزائي الأعضاء كنتم مع مسلسل هفف من بطولة نقاق سوري :::

::: جاي على بالي نق :::

صار النق في حياتنا حالة طبيعية اعتيادية وعفوية....فمن دون أن نقصد ننق
فإذا التقت فتاة بشاب وأحببته ( وصار في علاقة ) وبدأ روميو زمانه يعمل رجال عليها ويبلش يسألها وين رايحة منين جاية وينق إذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق على رأسه ( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور..وعلى إيهي إيهي ) ومن كتر نق جوليت على رأس روميو...يقرر روميو يطنش ويعطيها حريتها
وما هي إلا أيام حتى تعود جولييت إلى نقها ولكن بطريقة مختلفة
ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مين صاحب الرقم..شو شايفة ما عاد فرقت معك إذا لبست هالتنورة...)) قلي فهمني شو بدك !!؟!!!

::: نقاق شرقي :::

شاب شرقي نقاق : أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندها وجهة نظرها يلي تدافع عنها
((
بعد الزواج من المثقفة والذي لم يستمر أكثر من 3 أشهر ))

الشاب شرقي النقاق : طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني...وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...هفف أن بدي وحدة حنونة تسايرني
((
بعد زواجه من الحنونة الذي لم ولن يستمر أكثر من شهرين ))

الشاب شرقي النقاق : قرفتني حياتي دايماً بالمطبخ وشو ما قلتلها بتقول حاضر.
كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولا كلمة يا زلمة.....
لك أنا بدي وحدة حلوة ست بتفهم بالاتيكيت....
(( بعد زواجه من ست الصالون الذي لم ولن يستمر أكثر من شهر ))
الشاب شرقي النقاق : هفف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني....(( لك أنا ما بقدر غير عيش مع وحدة مثقفة يا زلمة ))
ويستمر الشاب شرقي النقاق بالنق إلى أن يأخذ الله أمانته
أجمل ما في الأرواح أنها لا تملك لسان لتنق....أي والله

::: شعب بنق ليوم النق :::

والشعب السوري بشكل عام نقااااااااااااااااق .....
ها ها سألتني ليش لأنو يا أخي نحنا على طول بنقول شوف أوربا ما أحلا شوارعها
شوف العالم شلون.....شوف شوف السير عندهم شوف النظافة....
شوف........أي شفت (( شبك حبكت معك شوف شوف ))
ما نحن هون بالبلد لم فرض وضع حزام الأمان للسائقين
قمنا الدنيا وما قعدناها وصرنا نق ونسق
والله بدفع الغرامة وما بحط الحزام...شو بدهون يتحكموا فينا
وقال شو بدهون يقلدوا بلاد برا قال...!!؟!؟!؟!؟!!

آآآآآآآآآآآآآآآآيـــــــه سكتنا ما عاد نق...
هلأ دوركون لتنقواااااااااااااااااااااااا....

موضوع: رد: ...النق... الخميس مارس 04, 2010 3:55 pm

هههههههههههههههههههههههههههههه

هههههههههههههههههههههههههههههههههههههههه

بربي فرطتني من الضحك

هههههههههههههههههههههه

لك لا تنسى حالك انت واحد من النقاقين

ههههههههههههههههه

يسلمو اديك عالموضوع الحلو والمضحك

موضوع: رد: ...النق... السبت مارس 06, 2010 2:50 am

ههههههههههههههههههههه

و يوم يلي ما منق بمنقول بكرا النق و بكرا النق

يسلمووووووووووو ايديك وديع عالموضوع المميز

هااي

موضوع: رد: ...النق... الخميس مارس 11, 2010 3:44 am

ما فيه ابشع من النق

انا اكتر الشي بكرهوا بها الدنيا هوي النق

موضوع: رد: ...النق... الأحد مارس 14, 2010 11:44 am

دخيلو مصطفى انت اكتر واحد بالعالم بينق وقاعد عم تحكي هيك
ويلكم

موضوع: رد: ...النق... الأحد مارس 14, 2010 4:23 pm

ههههههههههههههههههه

انا بنق يا فتان

موضوع: رد: ...النق... الثلاثاء مارس 16, 2010 6:08 am

ههههههههههههههههههههههههه

لا يا بعدي انت ما بتعرف لسا شو هو النق ما

نسيت حالك يوم اللي اجيت على حلب و كنت عاملة خير معك و صايرة دليل سياحي

و عم خليك تطلع على معالم حلب

و بعدها ما بعرف شو صرلك قعدت بنص الشارع و صرت تبكي و تقلي خديني عند امي بدي امي وااااااااااااااع

و الناس صارو يطلعو علينا و انا قلك يا مصطفى هلأ باخدك طول بالك شوي وانت بقا تسمع كلمة حدا

استغفر الله

بعدها طلعت هيك جنبي لقيت عمو بياع الاكلات رحت اشتريتلك مصاصة عطيتك ياها حتى هديت شوي

بس شو هاد الموقف ما رح انساه بحياتي و طبعا بطلت صير دليل سياحي من يومها هههههههههههههه

و ال شو بيكره النق لسا

موضوع: رد: ...النق... الثلاثاء مارس 16, 2010 11:06 am

ههههههههههههههههههههههههههههههههه

هههههههههههههههههههههههههههههههههههههههههه

له له يا مصطفى

هيك بتعمل

طيب يا هموسة انت ليش ما قلتيللي ااااااه

اي الحمد لله انك قلتيلي

منشان ما باخدو عالمشوار يلي رح اطلعوو

ما بدي وجع راس انا

موضوع: رد: ...النق... الخميس مارس 18, 2010 4:30 am

هههههههههههههههه

سدرا انتبهي منيح لا يلعبلك بعقلك لانو عندو قدرة اقناع غير طبيعية

ههههههههههههههه

موضوع: رد: ...النق... الخميس مارس 18, 2010 4:58 am

فكرتك بدك تخطفيني

موضوع: رد: ...النق... الخميس مارس 18, 2010 6:38 am

هههههههههههههههههههههههههه

بدي اخطفك ما من كتر ماني مبسوطة عليك لحتى بدي اخطفك

لك وينك انت مو على اساس تجي تستلم بدالي زمام الامور بالبيت

هيك يلي بيعتمد عليك بتعمل فيه

موضوع: رد: ...النق... الخميس مارس 18, 2010 7:43 am

هههههههههههههههههههههههههههههههه

ال تعتمدي عليه ال

اي الا بامور البيت

ما بيتذكروكي

موضوع: رد: ...النق... الجمعة مارس 19, 2010 2:46 am

هههههههههههه

لك هالشباب ما في منون فائدة ابدا لأ و شو كمان بدون مين يهتم فيون كمان

انا مليت و بدو صبري ينفد عن قريب

ههههههههه

موضوع: رد: ...النق... الجمعة مارس 19, 2010 11:41 am

ههههههههههههههههههههههههه

هههههههههههههههههههههههههههههههه

اي والله وال بس نحن يلي بنق

...النق... 29417