تخيل معي ....

موضوع: تخيل معي .... الإثنين أكتوبر 25, 2010 11:41 am

صباح / مسا الخير لكل اعضاء منتدانا الغاليين

انشالله تكونوا مبسووووطين و بخير

حبيباتي اليوم خطر عبالي اكتب شو عم يخطر عبالي و انشالله ما يكون كلام ممل ..

تخيل معي .. انك كنت عايش بسعادة و مبسوط كتيييييييييير بحياتك

ما في وراك هم و لا غم ..

عايش كل يوم بيومو ما عم تفكر بشي ..

و كان عندك صديقـ / ـة أنتـ/ـي و ياهـ/ـا أصدقاء من الروح للروح ..

اعترفلك او اعترفتلك بحبهـ/ـا بعد صداقة دامت لسنين ..

و أنتـ/ـي كمان كنتـ/ـي بتبادلو / بتبادلها نفس الشعور ..

و حبيتو بعض و مشي الحال ..

و صرتـ/ـي تعيشـ/ـي أنتـ/ـي و ياهـ/ـا أحلى لحظات عمركن

صرتو تشوفو الدنيا مالها لون او نكهة بدون بعض ..

و اذا بعدتو عن بعض حتى لو لحظة تحسو انو مر دهر كانو ما شفتو بعض ..

و كل واحد فيكن صار يكمل التاني ..

و يتمناه انو يكون شريك حياتو و كل حياتو للتاني ..

بس فجأة بتصحى من حلم ..

و بتبدى رحلة الخوف ..

خوف من شو ؟؟

خوف من شغلات كتيرة ..

ممكن تفرق بينكن و تترك كل واحد فيكن مجروح ليوم موتو ..

خوف من واقع ممكن يعارض قصة حبكن و ما يتقبلها ..

خوف من الناس يلي بتنظر للحب بمفهوم الجرم الاكبر ..

خوف من اهل اذا قالوا : لأ .. و ما تقدر ترفض رأيهن

خوف من ظروف ممكن تبعدكن عن بعض و ما عاد تجمعكن مرة تانية ..

او خوف من ظروف ما جمعتكن بالاول لحتى تفرقكن ..

خوف من شغلات ما كنت تفكر فيها و لا بتهمك لما بتكون صديق بس لما بتصير حبيب ممكن ما تخليك تكمل مع حبيبك حلمك معو ..

شو رح تعمل بهيك موقف ؟؟

رح يصير همك الوحيد ..كيف بدك تحكي عن هالاشياء لحبيبك بدون ما تجرحو حتى لو ما قصدت انك تجرحو ..

رح تدور ببالك افكار كتيرة بس رح تحاول تنكرها ..

ما بدك تتقبل الواقع لانو رح يكون بشع ..

رح تبكي كتير .. و تصير الدموع صديقتك بس

رح تحس بحزن من قلبك من جوا ما حدا بيطفيه غير حبيبك

رح تتمنى تبكي على كتف حبيبك و هو يمسحلك دموعك و يقلك انو كلشي رح يكون بخير ..

و كمان رح تتمنى انو لما يقلك هيك حبيبك عنجد يكون كلشي بخير و لا كأنو في شي ..

رح تغرق بدوامة حزن ما تعرف كيف تطلع منها ..

و يمكن كمان تتمنى الموت لانو اسهل من انك تبعد عن روحك ..

و كمان رح تتمنى و تتنمى كتيييييييييييييير ..

و بعدا يمكن تصير تتصور انك صارحتو بشي لحبيبك من الشغلات يلي ممكن تمنع انكن تكملوا مع بعض ..

و كمان تصير تتصور ردة فعلو اتجاه الموضوع ..

رح يكون جوابو السكوت .. يلي رح يقتلك

او رح يكون جوابو كلمة .. كمان رح تتمنى الموت قبل ما يقلك ياها

او رح يقلك انو يا ريتني ما حبيتك يوم .. و لا عرفتك

مع انك لما عم تصارحو قلبك من جوا عم يتمزق ..

عم تحس بمرار ..

عم تتمنى الموت قبل ما تقلو انو ما عاد فينا نكمل مع بعض ..

انساني .. او حاول انك تنساني

انا بطلت حبك .. مع انك انت بتموت عالارض يلي بيمشي عليها هو ..

و هو بيعرف انك املو .. حلمو .. حبو .. عشقو الوحيد

و بيعرف انك عم تكذب و انك ما فيك تطلعوا من قلبك و لا لحظة ..

بس أنت ما بدك تكذب عليه و تحلم و تحلم و تحلم و بعدا .. شو بعدا ؟؟

و لا شي ..

كلو حلم بيبقى بالاخير ..

حلم بس فتحت عيونك رح ينتهي ..و ترجع لواقعك المر

و تتذكر كل لحظة قضيتا معو .. بحلاوتها و مرها ..

لما تعرفو على بعض .. و لما صرتو روح ساكنة بجسدين

و لما .. و لما .. و لما شغلات كتيييييييييرة حلوة لانها معو

يا ترى رح تقدر تبعد عنو .. و انت يلي كنت لما تبعد عنو تموت بدونو

يا ترى رح تقدر تشيلو من قلبك و تحب غيرو .. و انت يلي وعدتو انو يكون الاول و الاخير

يا ترى رح تقدر تحب غيرو و تمحيه من ذاكرتك .. و يصير مجرد ذكرى بس

يا ترى رح تقدر تحب غيرو اد ما حبيتو .. مع انك كنت حاولت تحب قبلو بس هو الوحيد يلي قدر يوصل لهي المكانة بقلبك

و رح يخطر عبالك كتيييييييير من الاسئلة كمان و تغرق بالتفكير ..

برأيكن أنا غلطانة بهاد التفكير إلا معي حق ؟؟

خطرت عبالي هي الكلمات لنزار قباني بقصيدة اسالك الرحيلا ..

بحقِّ أحلى قصةِ للحبِّ في حياتنا
أسألكَ الرحيلا
لنفترق أحبابا..
فالطيرُ في كلِّ موسمٍ..
تفارقُ الهضابا..
والشمسُ يا حبيبي..
تكونُ أحلى عندما تحاولُ الغيابا
كُن في حياتي الشكَّ والعذابا
كُن مرَّةً أسطورةً..
كُن مرةً سرابا..
وكُن سؤالاً في فمي
لا يعرفُ الجوابا
من أجلِ حبٍّ رائعٍ
يسكنُ منّا القلبَ والأهدابا
وكي أكونَ دائماً جميلةً
وكي تكونَ أكثر اقترابا
أسألكَ الذهابا..
لنفترق.. ونحنُ عاشقان..
لنفترق برغمِ كلِّ الحبِّ والحنان
فمن خلالِ الدمعِ يا حبيبي
أريدُ أن تراني
ومن خلالِ النارِ والدُخانِ
أريدُ أن تراني..
لنحترق.. لنبكِ يا حبيبي
فقد نسينا
نعمةَ البكاءِ من زمانِ
لنفترق..
كي لا يصيرَ حبُّنا اعتيادا
وشوقنا رمادا..
وتذبلَ الأزهارُ في الأواني..
كُن مطمئنَّ النفسِ يا صغيري
فلم يزَل حُبُّكَ ملء العينِ والضمير
ولم أزل مأخوذةً بحبكَ الكبير
ولم أزل أحلمُ أن تكونَ لي..
يا فارسي أنتَ ويا أميري
لكنني.. لكنني..
أخافُ من عاطفتي
أخافُ من شعوري
أخافُ أن نسأمَ من أشواقنا
أخاف من وِصالنا..
أخافُ من عناقنا..
فباسمِ حبٍّ رائعٍ
أزهرَ كالربيعِ في أعماقنا..
أضاءَ مثلَ الشمسِ في أحداقنا
وباسم أحلى قصةٍ للحبِّ في زماننا
أسألك الرحيلا..
حتى يظلَّ حبنا جميلا..
حتى يكون عمرُهُ طويلا..
أسألكَ الرحيلا..

تخيل معي .... 489300

بتمنى تعطوني رأيكن بالموضوع ككل ..

و بتمنى كمان تقولولي انتوا كمان خطرت هيك افكار عبالكن إلا لأ ؟؟

دمتم بود ..

انا وقت بحب بعمل كلشي مشان حبيبتي

احساس صعب صراحة

وبتفضل انك تعيش هيك احساس على انك تخبر حبيبك

انكن مالكن نصيب مع بعض

او حبكن غلط

يعني صراحة شي بيجرح وما بينتسى

شكرا الك كتير حبيبتي

طرح رااااااائع

وكتير مبسوطة انك بتشاركينا اخبارك

موفقة

My Name Is Mostafa كتب:: انا وقت بحب بعمل كلشي مشان حبيبتي

اي منيح كتير و يمكن هية كمان رح تعمل كلشي مشانك صح مصطفى ؟؟

بس انا هون طرحت مجرد تفكير ما اكتر ...

شكرا كتير الك مصطفى على رأيك

تخيل معي .... 787469

sidra كتب:: احساس صعب صراحة

وبتفضل انك تعيش هيك احساس على انك تخبر حبيبك

انكن مالكن نصيب مع بعض

او حبكن غلط

يعني صراحة شي بيجرح وما بينتسى

شكرا الك كتير حبيبتي

طرح رااااااائع

وكتير مبسوطة انك بتشاركينا اخبارك

موفقة

سدورا انا كنت هون عم اطرح مجرد شي خطر عبالي بس ما اكتر ..

يعني بس مممكن تصير مع اي شخص

شكرا كتير الك على رأيك حبيبتي

تخيل معي .... 787469

» تخيل!!!!!!!!!!!!!!!!!!!!!!!!!!!!!!!!!!!!
» تخيل يرعاك الله
» تخيل نفسك في مواقف كهذه !!!
» كمبيوتر المستقبل……حقيقه وليس تخيل