للنقاش .. العقم

موضوع: للنقاش .. العقم الخميس أغسطس 11, 2011 2:29 pm

السلام عليكم و رحمة الله و بركاته

كيفكن اليوم حبايبي انشالله كلكن بخير ..

اما بعد ..

من منا لا يحلم ببيت و عائلة خاصة به و أطفال من فلذة كبده تؤنسه و تتممه بالأبوة أو الأمومة ..

حلم لكل شاب و فتاة ..

سؤالي .. إذا أنعم الله عليك بنعمة الزواج ..

و شاء القدر و اكتشفت/ـي بعد فترة من زواجك أنك لا قدر الله عقيمــ/ ـة ..

و بعد محاولات للشفاء باءت بالفشل الذريع ..

كــ رجل إذا كانت زوجتك هي العقيمة مالذي ستقرر فعله بعد ذلك ؟؟؟

هل سترضى بقضاء الله و قدره و تحتسب عنده و تأمل بأن يوماً ما قدرة الله ستشاء بأن تصبحا أبوين ؟؟

أم .. ستتركها بعد أن كانت أحلامك معها و لا غيرها تريد ؟؟؟

أم ستتزوج بأخرى لتكسب صفة الأبوة ؟؟

طبعا نتحدث عن حالة أن الإنجاب هنا من المستحيل ...

كــ امرأة إذا كان زوجك هو العقيم ..

هل سترضين بقضاء الله و قدره و تحتسبي عنده و تأملي بأن يوماً ما قدرة الله ستشاء بأن تصبحا أبوين ؟؟

أم .. ستتركيه لتتزوجي بغيره لتكسبي صفة الأمومة ؟؟؟

أم ماذا ستفعلي ..؟؟؟

و أخيراً كرجل و امرأة هل سيبقى عندك ذلك الأمل بأن الوضع يوماً سيتغير و بإذن الله ستنجبــ/ــي أم ستقنط من رحمة الله التي وسعت كل شيء ..

سؤال خطر عبالي حبيت أتناقش فيه معكم ..

بانتظار ردودكم ..

دمتم بـــــــود

بسم الله
نحنا عنا جارنا صرلوا متزود 25 سنة
وطول عمروا بيحلم بولد وكان على طول ياخد ولاد الحارة الصغار
يغديهم عندو ويجبلن هدايا ويحملهم هوي ومرتوا
بس الله ما طعموا ولاد المهم .. قرر انو يتزوج وحدة تانية
بلكي الله بيطعموا ولد .. المهم تزوج واجاه صبي بجنن بيشبهوا لدرجة كبيرة
يعني ما غلط اذا الواحد تزوج بس مو دغري يعني رب العالمين ما بتعرف ايمت بيرزقك
الولد للنقاش .. العقم 130600

يعني هلزلمة لو ما تجوز مرة تانية ما كان شاف ولد منو بحياتو
صح ولا انا غلطان ؟
ما في احلا من الولد
شكرا لك على الموضوع

مصطفى طيب برأيك انت هلأ لو كان العقم بالرجال كانت مرتو رح تتركو و تتجوز غيرو !!!

اي لازم علرجال يخيرها !

اي مصطفى انا قصدت برأيك شو رح يكون خيارها عالاغلب ؟؟

بتتركو ولا بتبقى معو ؟؟

عم تسئليني هيك سؤال
شو انا بعلم بالغيب ؟
هاد بيرجع الها
اذا بتحبوا عنجد بتوافق

بتوافق انو تضل معو يعني ؟؟؟

انا ما بتركو حتى لو كان العقم منو وبعدين الله كريم

زكل انسان بيحلم يكون ام او اب

انا بعرف جارة الله يرحمها جوزها ما بجيب ولاد وما تركتو ضلت معو لاخر لحظة

مشكورة لموضوعك القيم

وانا كمان رأيي متلك سوس

شكرا كتير الك عالمرور المميز حبيبتي

نولاتي صفحتي بمرورك العطر سوسو للنقاش .. العقم 42317

يييييي
اتفقوا على راي
ال يعني انا راي مختلف

يييييييييي لا ابدا مانو مختلف ما ..

و شو كنت عم تحكي من الاول انو يتزوج لانو حقو و مدري شو .....

و يخيرها ........

اي حقو
بالاتفاق

يمكن هالشي من أصعب المشاكل الواحد بيمر فيها

وأكيد تكون صعبه على الطرفين ازا كان منو او منها لانو المشكله مو بأيد حدا
بأيد رب العالمين

لهيك انا بشوف الحل بيكون لقدرة التفاهم يلي بتجمع كل تنين وبتتعلق فيهن
لأنو في أشخاص بتنسى كل شي كرمال حبو لمرتو يلي ما بيقدر يزعلها ويمس بكرمتها

بس بالاخير ازا صار وما في حل غير الزواج لازم يكون برضاها

بس ازا كانت المشكله من الزوج انا بشوف ما في حل يا تتقبل الوضع يا الطلاق للاسف

سؤال كتير كتير مهم للنقاش فيه

يسلمو ع الطرح

My Name Is Mostafa كتب:: اي حقو
بالاتفاق

طيب ماشي

سؤالي الك ...

انت ازا لا سمح الله صار معك بتتزوج على مرتك ؟؟؟؟؟

RaZaN كتب:: يمكن هالشي من أصعب المشاكل الواحد بيمر فيها

وأكيد تكون صعبه على الطرفين ازا كان منو او منها لانو المشكله مو بأيد حدا
بأيد رب العالمين

لهيك انا بشوف الحل بيكون لقدرة التفاهم يلي بتجمع كل تنين وبتتعلق فيهن
لأنو في أشخاص بتنسى كل شي كرمال حبو لمرتو يلي ما بيقدر يزعلها ويمس بكرمتها

بس بالاخير ازا صار وما في حل غير الزواج لازم يكون برضاها

بس ازا كانت المشكله من الزوج انا بشوف ما في حل يا تتقبل الوضع يا الطلاق للاسف

سؤال كتير كتير مهم للنقاش فيه

يسلمو ع الطرح

كلامك صح حبيبتي

شكرا كتير الك عالمرور المميز

شكرا كتير الك رزان للنقاش .. العقم 42317

اكيد رح ضل معو

الله كريم

وبعدين اذا الامل انقطع راح كلشي

شكرا الك عالطرح المميز

موفقة عيوني

عم تحكي صح حبيبتي ..

نورتي صفحتي بمرورك و ردك الحلوين

شكرا كتير الك حبيبتي

» للنقاش : الحـــــــــــــــــــــــــــــــب
» للنقاش .. الظلم
» الزواج............ للنقاش
» زاوية للنقاش .. و لنختلف بحب
» للنقاش اللي بحب يشارك